【入住請敲門】林婷深入猛鬼酒店封閉樓層　當晚即有怪事發生

《入住請敲門2》今晚挑機嘅酒店，基本上都會出現於網上流傳「吉隆坡鬧鬼酒店」名單之內，之不過，到底有幾猛呢？就從來都無實質的內容。原來於酒店開業初期，老闆將25樓的部分空間封閉起來，以供靈體活動，後來有人唔信邪將25樓解封，隨即怪事連連，就係咁，25樓再度被空置。林婷遊走25樓期間，雖然未有怪事發生，但原來好戲在後頭，佢接受訪問時就話：「當晚我準備瞓之前聽到有音樂聲，因為導演佢哋住我隔壁，所以就我WhatsApp問係未佢哋播歌，但佢哋又話無，於是我就出去搵佢哋，但一出房門即時無咗聲，咁正常都會諗唔係左邊就係右邊，但我右邊係後樓梯，嗰吓真係……」

林婷表示曾經懷疑音樂由窗外傳入，但檢查後，發現房間的窗係密封，所以機會甚微。「再加上當時已經係零晨，接理應該唔會有酒店員工就到20幾樓後樓梯蛇王，就算真係蛇王都唔會播音樂播到咁大聲，成件事係無辦法解釋。」雖然係遇上怪事，不過林婷未有要求換房或要求工作人員入房壯膽，呢名女漢子真係好堅。