【入住請敲門】港人一入房即見櫃桶開咗　內有聖經都未算最驚

唔經唔覺，15集《入住請敲門2》已經進入尾聲，林婷極度冷靜嘅表現令唔少觀眾為之震驚，今集佢將會入住吉隆坡嘅四星酒店，雖然呢間酒店都經常出現於「鬧鬼酒店」名單之內，但就甚少提及到底發生過乜事。不過，有香港網民就曾在討論區上指出，試過喺酒店準備入房時匙卡無效，但就聽到房內有電視機聲，該名港人敲了幾次門後，匙卡即時成功開門，而房內的電視機則是保持關機狀態。
 

此外，亦有香港旅行團於返房期間，發現走廊的燈光突然熄滅，酒店職員強調是因為裝修所致，更說其他樓層也出現同樣情況，該名港客與其他團友好奇心驅趕下，逐層檢看，發現一層較光一層較暗，其實後有團友返房後，赫然見櫃桶全開，內裡有聖經，於是要求換房，酒店經理安排了13樓的房間，但團友見到房門有一個不明的記號後，即斷然拒絕。最後酒店雖然再安排了其他客房，但有不少團友都表示全晚聽到水聲、裝修聲，亦有團友聽到衣櫃傳出女人聲……雖然聽落有少少誇張，但如果入房見到櫃桶兼有聖經都咪話唔驚。