【入住請敲門】廉價北碧府水上屋超唔衛生 莫竣名:無心情去怕鬼

撰文:鄺鈺瑩
出版:更新:
一連15集嘅《入住請敲門2》去到尾聲,唔少網民都強烈要求開拍第三季。

《入住請敲門2》15集話咁快就播完,今晚最後一集,莫竣名去到距離曼谷車程三小時嘅北碧府,呢個地方山清水秀,加上有唔少水上渡假屋,所以吸引好多外國遊客。不過講到北碧府最有名的,一定係有死亡鐵路,當年(二次大戰期間)日軍驅策戰俘、民工建造泰緬鐵路,由於時間緊迫,加上環境惡劣,三年內犧牲過萬人命,自此靈異事件不斷,有人曾經見過行軍於桂河大橋(鐵路橫跨桂河之上的交通要道)出現,亦有導遊召集團友時,赫然見到兩名無瞼「人」向他揮手。

莫竣名話間酒店超級唔衛生,瞓唔夠兩個鐘就因為太多蚊而要執包袱走人。

而莫竣名今集所入住嘅酒店,房價由65元到300元都有,雖然話六十幾蚊真係好平,但環境都幾惡劣,無冷氣且有大量蚊蟲,莫竣名入住期間就比蚊咬到連怕鬼嘅心情都無。另外,莫竣名今集去到嘅地獄寺(Wang Saen Suk Hell Garden),位於春武里俯,寺內以大量雕像,展示了死後於佛間地獄受到的殘酷懲罰,雖然有節目主持人曾經於寺內聽到怪聲,再加上雕像甚為恐怖,但唔少遊客都表示遊覽完之後會有所得著。

 

唔少觀眾都大讚莫竣名同林婷於《入住請敲門》嘅表現,下次如果連攝影師Jer仔都出埋鏡的話應該會更正。(資料圖片)

莫竣名接受訪問時,直指地獄寺內的雕塑十分嚇人,問到可有得著,他說:「佢嘅入面有寫連避孕都唔可以,自己對呢一點都幾唔認同,原來唔同年代嘅觀點係可以差別咁大。」另外,提到唔少網民都要求開拍第三季,莫竣名就係咁易透露咗少少好消息。「有同監製傾過,想下次繼續以《入住請敲門》開拍,但會改過個形式演繹,因為如果又係去返挑機酒店都會曬,我OK架,當係去玩吓、去吓旅行咁幾好。」

地獄寺嘅雕像本身就已經恐怖,夜遊的話應該更好feel。(網上圖片)

地獄寺位於曼谷同芭堤雅中間嘅春武里府,到底入面有乜會令MCM反思?(雕像公仔真係幾恐怖,慎入)

+3