鍾鎮濤化身商台保安：職員唔信仲問我攞簽名
撰文：吳子生
出版：更新：
鍾鎮濤（B哥哥）周一（6）一身護衛員造型，現身商台宣傳演唱會，更為商業電台站崗，檢查進出職員證件。「因為演唱會主題喺講故事，所以我今日打扮靈感來自以前在電影《表錯7日情》嘅造型，不過同之前著嗰套制服有出入，因為都咁多年啦，都升咗職，所以今日呢套衫喺G4造型，我喺門口度檢查啲人出入，啲人問我：「B哥哥，你喺度做乜呀？」我話：「今日我嚟做保安員。啲人仲問我攞簽名，哈哈。」
B哥哥今日出席商台為個唱宣傳。（吳子生攝）
演唱會將會在今年11月24日於香港體育館連開兩場，其實B哥哥喺兩年前已經入紙申請紅館。「諗住申請無望，無理佢，點知佢又批喎，有時啲嘢就喺咁，你越理佢，就唔會有，唔理佢又會出現。」
鍾鎮濤表示《溫拿樂隊》一定會在個唱撐場（吳子生攝）
B哥哥心肝寶貝女鍾懿對音樂非常有興趣，早前孖住Daddy在公開場合獻唱，父女情非常心厚，囡囡會唔會做喜賓呢？「喺演唱會點可以冇咗佢呢，佢都14歲喇，開始大個好少女喇，我覺得佢開始靚，佢會唱一首十月將推出嘅新歌，會畀啲成熟啲嘅歌唱，對佢有啲挑戰先得。」為咗呢次演唱會，B哥哥表示要操好自己體能先，至於show肌呢家嘢留返畀啲後生做啦。