無綫熱播的劇集《BB來了》憑寫實貼地的劇情吸引大批觀眾，成為全年至今最高收視劇集，當中飾演「允豬」爸爸的黎諾懿，就憑《BB來了》建立親民奶爸形象，大受港媽歡迎。日前，黎諾懿以代言人身分到灣仔會議展覽中心「BB展」，為全球銷量第一的德國有機奶粉擔任特別嘉賓，期間除了跟現場爸爸們鬥沖奶技巧外，還扮演售貨員即場近距離「拉客」，吸引大批巿民駐足，場面墟冚。

黎諾懿入行前原來曾經在書局賣書，自詡是Top Sales推銷能力極高，要他扮演售貨員絕對輕而易舉，難怪短短15分鐘，他已成功賣出多款產品：「其實今日活動好有意義，我賺到嘅營業額，全數會用作慈善用途。講真，叫我扮售貨員同示範沖奶，對我嚟講都零難度，由『小春雞』出世開始，我已經負責沖奶，真係闔埋眼都識沖。」

《BB來了》雖然上周五已播出結局，但觀眾對黎諾懿的熱情有增無減，現場蜂擁向他索簽名及合照的人多不勝數，更有粉絲表示年底無綫台慶頒獎禮，會投他一票角逐視帝，令黎諾懿笑不攏嘴。問到他對於獎項可有信心？黎諾懿表示：「劇集成功已經好開心，希望可以拍續集，獎項方面 ，當然人人都想得獎，但暫時言之尚早，都係順其自然啦！」

今次劇集除了為黎諾懿帶來人氣，亦令他成為廣告商新寵，短短兩個月已勁賺7位數，豬籠入水，對此黎諾懿謂：「自從劇集出街後，的確係多咗工作，尤其是很多家庭廣告、商場親子活動搵我，工作排到出年，所以好多謝《BB來了》為我製造一個好爸爸形象，亦令我在現實中做一個好爸爸，賺多些錢照顧『小春雞』。」黎諾懿透露，最近亦有廣告商斟洽他跟「小春雞」父子檔上陣，「其實我唔介意『小春雞』出活動，拍吓廣告，但如果要『小春雞』入行演戲我就唔想，唔想佢辛苦。」