恭喜曬呀！27歲嘅李蘊今日〈11日〉喺IG報喜，透露囝囝喺8月8日38週當日出咗世喇！李蘊仲話囝囝同家姐一樣係順產，同樣重7磅添。佢上載咗幾張相同留言：「今次只係痛咗3個幾鐘就生咗，雖然覺得痛過第一胎，但時間短好多，細佬真係錫住媽咪。多謝老公陪產期間一直幫我加油同鼓勵我，仲幫我按摩舒緩痛楚！」現時，李蘊同囝囝已經返咗屋企休息，佢仲話會再次開啟母乳媽媽模式，多謝大家關心。

唔少粉絲都有係留言大讚B仔可愛，而且頭髮濃密，仲祝福B仔快高長大添。