灣仔美食博覽2018《My Tv Super夏日新煮意》劉佩玥（moon)周四（16日）現身會場化身美女廚神，與名廚許美德即場炮製夏日潮州美食。「我諗住做助手，就同師傅講你有冇睇過《美女廚房》？我唔得㗎。」師傅話：「唔好，我講你一齊做，我對你有信心。」兩人最後煮出美味十足「金綱欖菜肉碎炒飯」派街坊。

上月推出首本個人寫真散文集《我的微笑之道》，遠赴美國拍攝更罕有性感，下年會唔會再出寫真？「我想出烹飪書，最緊要由一個唔識煮嘢食，到識煮嘢食，一步又一步咁進行，可以話畀香港啲女仔男仔知，唔識煮嘢食嘅人，點樣跟一啲師傅去學嘢，有好多媽咪由零至到一百都喺一個學識咗煮嘢食，我諗都喺一個學習嚟嘅，港女都可以變成港女廚神。」