莊端兒被邀出席大陸飯局2百萬：我怕冇咗個器官
撰文：吳子生
出版：更新：
莊端兒（Xenia)出席今日（20）尖沙咀舉行的《第三屆香港珠寶業傑出成就獎》新聞發佈會。2013年參選「香港珠寶小姐」並奪得季軍，未入行前在珠寶公司擔任銷售及市場推廣，所以對鑽石有相當認識。「自己都好鍾意鑽石，記得以前讀書就會叫媽咪買，但到出嚟做嘢後，就會自己儲錢買，記得當時自己珠寶公司喺做批發，見到啲鑽石耳環又大又靚，就忍唔到手，用咗幾個月時間去儲錢買，對耳環都成5萬蚊㗎。」
莊端兒表示當有日，大家唔想睇佢行性感，佢話會封胸（陳順禎攝）
任職舞台劇導演兼演員37歲黃嘉威，涉嫌誘騙女事主為他口交並拍下影片，猥褻未成年少女被警方拘捕，震驚娛樂圈。但原來Xenia亦有娛圈朋友，遇到財務紏紛，她說：「之前我有一個女仔朋友，因為想解約，有一名男子自稱喺一間大型娛樂公司，我朋友本身都想入呢間娛樂公司，嗰名男子話可以幫佢解約，費用要8萬，後尾話4萬，初頭就叫佢過戶，後尾就叫我朋友直接出嚟畀現金佢，我朋友冇咁多錢就畀咗2萬佢，後尾發現受騙去咗報警，到依家都未拉到。」
Xenia話如果做阿澤節目唔行性感，阿澤會即刻炒佢（陳順禎攝）
此外，好多藝人都會喺社交網站留下個人聯絡方法，方便其他公司搵合作。Xenia直言：「我經常會收到一啲信息，起初講關於工作嘅問題，再傾下對方要求我出席一啲飯局，最離譜就喺出價一百萬要求我上大陸食餐飯，非常唔可信，佢仲話如果食完餐飯後留低，會有2百萬，聽到都驚，我怕我喺大陸會冇咗個器官呀。」
+4