Rosemary下月預產期撞正自己生日 全裸影大肚寫真留念

撰文:洪曉璇
出版:更新:
Rosemary囝囝下個月就出世。

名模界今年可算係生B年,Jessica C. 同Ana R. 先後誕下第二胎,而Rosemary九月亦會榮升媽媽。好多人話懷孕時係女人一生中最靚嘅時刻,Rosemary先後影咗兩輯大肚寫真留念,由於佢崇尚自然,實行全裸上陣擁抱大自然,盡顯女性美。

Rosemary於沙灘拍攝大肚照,相當性感。
水底拍攝對Rosemary來說毫無難度。

早前Rosemary透露一索得男陀緊B仔,暫時都計劃自然分娩,預產期係Rosemary 嘅生日,如果真係發生,將會成為佢最好嘅生日禮物。早前Rosemary分別喺沙灘同瀑布影左,以性感造型留影,於瀑布下天全裸上陣。另外仲喺水底拍攝,喺MODEL界打滾多年,即使腹大便便Rosemary一樣影得相當有美感。

於瀑布底Rosemary更全裸上陣。

懷孕期間,可能Rosemary 經常做運動同瑜伽,所以身體無特別不適,只係飲食習慣有少少唔同。而Jason就係廿四孝老公,一有時間就陪佢去睇查醫生,上孕婦瑜伽堂,又同佢一齊shopping 買嬰兒用品。其中令Rosemary 最感動嘅moment 係Japan 陪佢上催眠生產堂(hypnobirthing),佢丈夫分享時就講,佢作為一個創作人,可以同Rosemary 一齊創作一個小生命係佢人生最奇蹟嘅一件事,而且懷孕期間,Jason 每晚都攬住佢個肚直至訓著,令佢覺得份外甜蜜同珍貴。

懷孕中嘅女性真係好靚。