【特技人】關楚耀不覺拍TVB劇辛苦：好想再拍！陣間問下監製先
撰文：黃欣華
出版：更新：
首次參與TVB劇集嘅關楚耀今日（31日）與譚俊彥、傅嘉莉、沈卓盈、楊玉梅等演員齊齊為《特技人》造勢。關楚耀與傅嘉莉更在大庭廣眾下扮咀咀，掀起全場高潮。對於網民大讚其演技生動有趣，阿關都表示十分感激。過往不少藝人過拍TVB劇集後，都稱拍攝時間長而且十分辛苦，但阿關就稱：「我完全好想再拍，我一啲都唔驚。我覺得第一次同TVB合作好開心，同台前幕後都變晒好朋友我都好希望有第二次合作的機會，陣間問下監製先。」
對於演技備受肯定，甚至有網友比譚俊彥演得好，阿關就笑言：「角色唔同無得比較，雖然我好少留意網友留言，但身邊有唔少朋友有話電視見到嘅我同平時好唔同，因為呢個角色比較古靈精怪，所以好有發揮，算係我入行以嚟最有發揮的角色。」
幾位演員不介意冒雨宣傳。〈陳順禎攝〉
提到阿關日前提到朱晨麗即面紅，他則尷尬稱：「見到傅嘉莉都一樣面紅，我都有留意朱朱同阿Shaun嘅親熱戲，睇到我心悒，好似失戀咁。（係咪對朱朱都有feel？）一定有feel，咁喺戲入面真係要鐘意佢，如果無feel演出嚟都假，但啲feel限於戲入面。（最近感情有著落未？）未，感情呢啲嘢睇碰唔碰到，慢慢啦。」
劇中演員相當團結，默契十足。〈陳順禎攝〉