【特技人】關楚耀欲再次裸跑坦蕩蕩　稱一試就愛上：成個人鬆晒

《特技人》下星期就進入結局周，一眾角色的結局會如何呢，真是好緊張，但是又有點不捨得劇集的結束。不過話說回來，過去的其中一集關楚耀（Kelvin）大街上裸跑真是「跑」到街知巷聞。日前（8月31日）出席Tumi品牌活動時講起前幾集的劇情：「前幾集講到我同朱朱表白失敗，之後下個星期又會有新進展，至於係點呢，我都要睇下。」談到裸跑的戲份，Kelvin說：「我都有睇返，其實都幾好笑㗎，都諗返起嗰時拍嘅情況。我發現我拍完呢場戲之後，我愛上咗裸跑。」

關楚耀續說：「因為真係好Free可以坦蕩蕩咁不停奔跑，真係可以用『姚知行』呢個角色令到自己關楚耀成個人鬆晒，所以有機會我都想再試下坦蕩蕩奔跑嘅感覺。（想去邊裸跑？）香港應該唔會，但係去旅行就可以諗下去邊裸跑。」關楚耀仲話想拎埋個行李篋去西班牙沙灘裸跑添。關楚耀更提到，自劇集播出之後，多了街坊認識他，以及稱呼他為「Duncan」或 「姚Duncan」，實在是很開心，在裸跑劇情播出之後，甚至有街坊直接稱呼他為「裸跑嗰個」。