雷頌德笑陳慧琳成中秋節Icon：英國都見到佢啲廣告

香港著名音樂人及設計師雷頌德（Mark Lui）今日（8日）出席香港會議展覽會「香港鐘錶展」陀飛輪品牌發佈會。Mark Lui與陀飛輪品牌合作已經有4年時間，設計無數款式新穎的腕錶。「好開心今日可以推出屬於自己品牌嘅腕錶『The Original Time Machine』，其實喺設計方面都會用咗好多心思，無論喺歌創作都希望新嘅產品，都想出到嚟有一種嘅感覺畀大家。」

作為人父Mark Lui都擔心兒子在新的學年，在學術上一年比一年難，怕佢追唔上。「我知道每年升班都會好難，都好擔心佢地升到中學嘅時候，都會唔記得之前讀嘅嘢，好想佢哋學識獨立，最好喺學校聽晒老師話，返到屋企唔使問我。」就嚟到中秋佳節，Mark Lui話：「中秋節就會諗起陳慧琳，一買月餅全香港都會見到佢，去到英國又見到啲廣告又喺佢，影張相傳畀佢，佢就回覆我『哈哈哈』，所以一到中秋節就代表陳慧琳，真喺走唔甩。」