蘇志威主理的男士禮服品牌LUXE Tuxedo及香港愛馬士協會，今日（13/9）於九龍塘合辦時裝表演暨慈善晚會，更邀請到多位著名騎師及太太客串時裝模特兒。「今日突破少少，邀請咗三個著名騎師行呢個時裝show，騎師一般身型都唔喺太高，但今日佢哋著住我哋嘅西裝一樣都咁有型，咁先喺突破。」

蘇老闆19歲女兒，9月尾將赴日本留學修讀日式甜品師為期三年，太太小慧將會陪同。「今個月27日喺香港有一個好重要嘅獎要攞，本身買咗機票陪佢過去，當收到要領獎，連機票都退咗，我知道呢個獎好重份量，到時新聞稿出再通知大家，之後1號草蜢要飛去上海做嘢，跟住又有嘢做，所以跟唔到佢過去日本。」早前蘇老闆打算喺日本為女兒置業，方便讀書。「暫時都仲未搵到合心水樓，等佢租住一下先，等佢習慣咗之後再考慮。」