孫耀威不排除演唱會上全裸 ：大聲啲就除多啲
撰文：趙允琳
出版：更新：
颱風山竹襲港，令多處地方受到破壞，孫耀威（Eric）昨日（17日）於社交網站分享在家附近清理倒塌樹木的影片。Eric今日（18日）出席記者會時回應：「而家其實好多消防員都忙緊，特別在繁忙嘅公路，我屋企附近又唔算太busy，我哋自己巿民就做住先啦。盡量可以方便到自己又方便到人。」
孫耀威（Eric）表示颱風過後消防員都忙於清理繁忙道路，希望自己能「做住先」，方便到自己又方便到別人。（葉志明攝）
Eric亦表示自己很幸運，家中沒有遇到停電漏水等問題，不過卻發生了一段小插曲：「我貓咪啱啱喺打風嘅時候病咗入醫院，搞到我打風嗰日驚佢喺醫院度，聽到啲風聲會更加唔開心，於是我在打風前，漏夜走去醫院度，同醫生話︰『你畀佢返屋企啦，我相信同佢一齊佢會安心啲』，所以漏夜淋住雨抱返隻貓返屋企。」
Eric透露自己於打風前漏夜冒雨到醫院把生病住院的貓咪抱回家中。（葉志明攝）
Eric早前表示正為11月的演唱會「操fit」自己，現在他表示已經把「操fit」成為自己生活一部分。被問到會否在演唱會上騷肌，他大方表示：「騷肌就視乎大家嗌得幾大聲囉，大聲啲就除多啲，好大聲就除哂都無所謂嘅，哈哈！」（唔怕老婆呷醋益哂大家？）「我係男人咁都無乜所謂嘅，唱得high，我自然唔使叫都會剝衫嘅！」
Eric表示不排除在11月的演唱會上騷肌，更說「除哂都無所謂」。（葉志明攝）