【愛.回家】中秋佳節要一支公過?  豹哥:「老婆走咗佬!」

撰文:翁漢瓏
出版:更新:

單立文今日(22號)出席《愛.回家》宣傳活動,談及與豹嫂如何共度中秋時笑言:「朝早一起身,發現老婆唔見咗,原來已經返咗上海陪屋企人,所以中秋我要一個人過啦!」不過其實豹哥早已另有計劃:「中秋正日要開工,但我會約媽咪食晚飯,中秋都係會同屋企人一齊過嘅。」

豹哥笑言朝早一起身先發現豹嫂唔見咗,原來丟低佢自己一個返咗上海陪屋企人,搞到佢一支公過佳節。(葉志明攝)

近來豹哥忙於籌備《搖滾大俠奏》馬來西亞站,以致常常要綵排拍劇兩邊走,他自覺辛苦,但明言「做得開心」:「今次演唱會首次馬來西亞登陸,我哋都好認真採排,亦安排咗更加緊湊嘅節目。綵排加上拍劇辛苦就當然啦,但我好慶幸自己而家做緊嘅嘢都係鍾意嘅,所以都頂得住。」他又笑言:「我哋香港人拼勁十足,打風都打唔低我哋,做嘢辛苦算得咩呀!」

被問到鍾意拍劇定做音樂多啲,豹哥表示自己兩樣都鐘意,但因為自己做音樂出身,心底裏已經認定自己係一個不折不扣嘅「Band仔」。(葉志明攝)