【神探大戰】蔡卓妍又變髮似足學生妹:點解咁遲先至比我遇到佢
撰文:洪曉璇
出版:更新:
+2
做藝人為咗演繹唔同作品唔同角色,轉換妝容髮型真係好平常嘅事,同時亦令觀眾有新鮮感。阿SA蔡卓妍近年都KEEP住中長髮,女人味十足,呢日忽然上載超短髮自拍照,好似時光倒流返咗剛出道時咁嘅樣呀﹗
阿SA呢日上載嘅自拍照,著住淺色上衣化淡妝,短髮造型少女味濃,換套校服真係同中學生無分別。明明早幾日佢先講過要連戲無得剪頭髮架,睇返阿SA留言自有答案:「今次呢套戲個假髪真好多﹗點解咁遲先至比我遇到佢。」原來呢個係假髮嚟嘅﹗
+2
【神探大戰】劉青雲卷髮造型勁神秘 林峯成最黑暗反派:想做泥膠
平時演唱會阿SA都經常要駁髮或戴假髮,今次呢一頂短髮配以碎瀏海,分界又自然,難怪深得佢心。睇返資料阿SA應該係拍緊韋家輝執導嘅《神探大戰》,孖住劉青雲以及林峯做警察。今年阿SA仲有另一套同林峯合作嘅網劇《PTU機動部隊》,又係做警察,不過睇返當時記者會嘅假髮硬生生分界,大家就會明白點解阿SA鍾意新造型多啲啦。