女神封盤！江嘉敏認戀30歲電競公司高層：係發展緊嘅
撰文：黃欣華
出版：更新：
一直對外自稱單身的TVB新晉小花江嘉敏日前被影到多次與30歲的電競公司高層Anthony十指緊扣，甜蜜拍拖。報導更指她與男友在西貢秘密同居，連日來共度春宵，愛得相當痴纏。
女神封盤嚕！（IG圖片）
雖然入行以來緋聞多多，但江嘉敏不時表示仍然單身，原來近月已封盤，暗撻身高六呎的Anthony，男友更是著名電競公司高層，家住太子道西價值千多萬港元的豪宅，平時駕駛寶馬房車出入。對於新戀情，江嘉敏就回應《香港01》表示：「其實就啱啱開始咗無耐啫，係發展緊嘅。」對於與男友秘密同居，江嘉敏就笑言：「哎呀，報道入面講嘅嘢有啲啱又有啲錯啦，工作以外嘅嘢我唔想講太多喇，始終都唔想影響到身邊其他人，包括屋企人。」被問到是否與男友打機而認識，她就稱：「都有打吓機嘅。」
右一就是Anthony。（網上照片）
現年23歲的江嘉敏憑去年的劇集《親親我好媽》走紅，演技自然，深受網民愛戴，更被網友盛讚純過蒸餾水。雖然江嘉敏曾被指工作態度差加上接拍ViuTV嘅《三一如三》一度被TVB雪藏，但她就好快就走出「雪櫃」，劇接劇之餘，更被安排接拍旅遊節目《3日2夜》，備受公司力棒。雖然工作多，但緋聞亦不少。當中，最令人驚訝就是她曾被指與王浩信拍攝《兄弟》時做「小三」主動獻殷勤，又私下與對方傳短訊。如今，男友Anthony家庭厚，事業又有成，難怪江嘉敏對戀情都直認不諱。
+6