黃榕被健身教練男友狠飛：佢分手理由好奇怪

黃榕今晚（4/10）出席中環舉行的寫真月刊周年派對，她近年熱愛健美運動，參加健美小姐比賽更奪取獎項，狀態大勇，下個目標誓要奪取冠軍榮譽。「我好鍾意見到自己喺鍛練嘅時候，啲肌肉線條出哂嚟，嗰種感覺好正，雖然依家未為下個比賽訓練，但都會每日做3個小時操練，食嘢方面就唔使點戒食，但比賽前3個月時，就要戒糖戒鹽，到時就會好辛苦。」

黃榕自爆與同居兩年的健身教練男友分手了。「佢同我講嘅分手理由好奇怪，佢話我對佢實在太好，係一個好好嘅女朋友，希望我會搵個好嘅男朋友，佢話自己唔夠好囉，其實我又真係對佢好好，每日都會準備定佢要食嘅雞胸肉、蔬菜等，每日都會做家務，對佢千依百順，估唔到最後都被狠飛，不過咁樣我可以再專心喺比賽方面。」