黃妍（Cath）今晚（9/10）現身銅鑼灣維園舉行的《新城勁爆網球樂勢力Music Live》，與一眾歌手林奕匡、鄧小巧、小塵埃在現場為大家獻唱歌曲。Cath表示：「平時都會跑吓步做吓運動，做完運動出咗一身汗個人好舒服，個晚訓覺特別好訓，第二朝個人好精神，其實讓成良好生活習慣，病痛都一定會少啲。」

早前為新歌《笑容迷路了》遠赴台灣拍攝MV，Cath表示：「點解我要去台灣拍攝呢首歌號MV，因為呢首歌記錄低咗從前的我，當時生活所帶來嘅唔開心，每天只有工作，冇收工時間，覺得好大抑壓，發覺自己患有情緒病，老闆打電話嚟，我會心跳加速抖唔到氣，朋友見到我笑，都會話我笑得好牽強，內心好多負能量，所以我為咗要搵返自己嘅笑容，所以用咗好掙扎嘅情緒去寫呢首歌，可以話首歌與呢個地方，紀錄咗我唔開心嘅日子。」