陶喆老婆被傳再度有喜 未肯公開承認喜訊係怕BB小氣？
撰文：張嘉敏
出版：更新：
陶喆同老婆婚後一直想要小朋友。
當年憑住一首《愛很簡單》而唱到街知巷聞的台灣音樂人陶喆，同老婆江姵蓉 (Penny) 於2014年結婚後，雖然經歷過「偷食」風波，但無損二人夫妻感情，反而愈來愈恩愛，陶喆更多次表示希望可以做爸爸。可惜現年49歲的他與細他16年的老婆Penny至今依然無所出。
其實，Penny於2017年曾傳出懷孕，但有指當時因為健康問題要忍痛放棄，而陶喆就寫了一首《Mars Baby》來憑歌寄意：「多麼遺憾今生無緣，我很願意等着你，下輩子再來到我的世界」、「Baby告訴我到底要怎麼留你在身邊」，來悼念BB。
有傳陶喆老婆Penny已成功陀B。
直到今年5月同7月又再傳出Penny懷孕的消息，不過陶喆就連番否認。有消息指Penny最近出外時被目睹腹部明顯隆起，目測明顯是已經懷孕了。而據台灣雜誌的報道，陶喆經理人於9月底時已將Penny成功陀B一事告知同工作人員，大家得悉後都好戥陶喆夫妻兩人開心，陶喆仍未有對外承認呢個喜訊，未知是否怕BB小氣。
希望佢哋可以順利榮升做爹地媽咪啦。
睇下佢兩公婆有幾咁恩愛。
+1