【昇龍道攻略】杜如風到底算唔算美魔女？ 網民：以前係幾靚
撰文：鄺鈺瑩
出版：更新：
都係介紹「水饅頭」啫，唔使跌膊嘅。
近年成日都聽到美魔女呢個詞語源自於日本時尚雜誌，指的是超過35歲，但外表卻如20多歲，擁有極大的反差感嘅女星。溫碧霞、邱淑貞、林青霞絕對可以係代表之一，之不過，日前有網友就以「杜如風算唔算美魔女」為題作出討論，反應各走極端，有認為杜如風只係「喪魔女」、「有錢嘅魔女」但就絕對唔會同「美」有關，亦有人認為佢「以前幾靚，但自從曝肥後就美貌不再。」
不過瘦咗又真係要開咪公告天下。
其實對於身型問題，杜如風就曾經話過唔介意，更笑自己似楊貴妃，不過有傳杜如風係因為甲狀腺出現問題，藥物副作用令身形暴漲。而喺大台旅遊節目《昇龍道攻略》最新一集，杜如風為證明自己有幾瘦，特意喺介紹「水饅頭」時擺出落枕姿勢，露出香肩同鎖骨，然後再補一句：「話比你哋知我瘦返啦。」事實上，杜如風又真係比起佢2016年拍攝《東京攻略の新年番外篇》時圓面、XL身型清減不少，難怪佢會可以咁風騷話比大家知「我瘦返啦」。
杜如風之前曝肥被誤以為有咗。
著和服拍《東京攻略の新年番外篇》被笑似坦克車。