《On Call 36小時》RE-U 楊怡羅仲謙岑麗香為潘嘉德賀壽

撰文:洪曉璇
出版:更新:

金牌監製潘嘉德上月舉行70歲大壽暨榮休晚宴,出席嘉賓可能比台慶更星光熠熠。潘嘉德入行多年合作藝人無數,生日飯又點止食一餐呢,大壽兼榮休晚宴後一個月,劇集《On Call 36小時》系列演員RE-U再重聚,請佢食「69+1」生日飯。

上月德哥榮休晚宴,大批藝人出席到賀。(微博圖片)

因為拍攝潘嘉德監製嘅劇集《On call 36小時》,擦出愛火花嘅楊怡以及羅仲謙拍拖到賀,仲有劇中另一對情侶黃智雯、袁偉豪,第二輯入面呃咗觀眾唔少眼淚嘅岑麗香等都有出席,不過男主角一件頭馬國明就忙於拍攝邵氏網劇《飛虎之潛行極戰》而缺席。

《On Call 36小時》系列演員重聚,請德哥食「69+1」生日飯。(IG圖片)

呢晚聚會足足18人出席,除咗品嚐佳餚當然唔少得唱生日歌切蛋糕啦,見到佢地一直轉動放上相機嘅轉盤一邊唱生日歌,岑麗香、黃智雯、羅仲謙同楊怡仲不停扭身扭勢,相當興奮。佢地仲爭相同德哥拍照留念,相信以後仲有大把機會GATHERING玩餐飽。

壽星仔潘嘉德(影片截圖)
羅仲謙楊怡唱生日歌唱得非常興奮。(影片截圖)