吳海昕參加慈善長跑賽事 起初擔心跑唔掂：我唔夠瞓！
撰文：陳栢宇
出版：更新：
剛圓滿結束的「聯合國兒童基金會慈善跑2018」 ，請到不少城中愛跑步名藝人參與，當中有吳海昕（Sofiee）、梁諾妍（Inez）和Super Girls的Aka等等參與了10公里賽事。
雖然Sofiee最近忙於拍劇和廣告，更開始為明年2月公演的舞台劇做準備，但跑出來的成績還不錯。她說：「呢次係我第一次參加嘅10公里馬拉松比賽，而且好開心可以為聯合國兒童基金會籌款，幫到患癌病嘅小朋友，我覺得好有意義，而且都好想之後每年都叫多啲朋友報名一齊跑、一齊做善事！」
吳海昕（右一）與梁諾妍（中）、Super Girls的Aka（左一）日前參與「聯合國兒童基金會慈善跑2018」 10公里長跑比賽。
問及事前可有訓練，她說：「平日都有自己跑開同定時做運動，但最近因為忙於工作所以都冇好好準備，而且瞓得唔夠，初初有啲擔心應付唔嚟，好彩天氣唔錯，賽道又唔算困難，而且沿途嘅風景好美，我可以邊跑邊欣賞風景，冇為意就完成咗個賽事，下年我都一定繼續參與！」
吳海昕坦言起初擔心應付不了10公里賽事，好在賽道不算難，沿路風景亦美得讓她不知不覺跑完全程。