關禮傑大女關楓馨（Fabienne）周三（5日）出席品牌活動，她透露臨近聖誕將會準備聖誕禮物給爸爸媽媽：「應該要有啲心意嘅嘢，可能係自己整嘅嘢、或者整嘢食啦！好似有用啲，唔想又係買啲嘢跟住又無乜用。」

有傳Fabienne將與爸爸關禮傑一起拍內地綜藝節目，但在外國讀書的她如果要在節目中講普通話會不會很困難？「我都有同爹哋講過呢個問題，因為自己平時都無乜講開，所以而家都要練吓。我普通話真係唔太叻，但都講到啲啦！」至於有沒有拍電影或電視劇的計劃，她稱暫時還在考慮，還未確認，不過Fabienne似乎對拍電影更感興趣：「電影可以更深入個角色，但兩樣都想去嘗試。」有消息指TVB想重金禮聘想簽Fabienne做旗下藝人，她沒有否認：「嗰啲暫時只係傳聞，但都要睇吓有咩機會，每樣嘢都可以去試吓。」

爸爸關禮傑有份入圍視帝，囡囡Fabienne笑言：「對自己爹哋梗係有信心，但係我哋又唔會畀佢太大壓力。」Fabienne說如果爸爸拿獎，家人都會為他慶祝。