楊怡唔出埠留港過年有原因:嘈到幾夜都冇人會投訴你!
撰文:吳子生
出版:更新:
楊怡今晚(12/1)盛裝性感出席在九展舉行的周年晚會活動,擔任頒獎嘉賓她便與現場賓客大玩遊戲,氣氛熱鬧。楊怡早前就向外透露為生B要調理好身子,為造人大計鋪路,不過近來身形甚fit的楊怡,完全不擔心生B會影響身段:「就算有一日我要生BB嘅時候,都會Keep住自己嘅身形唔會畀自己肥,始終喺呢行唔想畀自己肥,依家潮流都好興,如果大家有BB都會好保持好嘅身段嘅,打好過底先囉。」
中國農曆新年將近,楊怡暫未有計劃外遊:「嚟緊新年就唔會出埠,因為大時大節都會留喺屋企,都係同屋企人過,都會去拜年,同埋會約埋成班朋友嚟我度拜年,因為有時自己做嘢未必會無啦啦約人過嚟玩呀,新年就係有一個藉口,就係嘈到幾夜都得,冇人會投訴你,到時打邊爐同埋食團年飯啊。」