46歲木村拓哉扮女人靚過老婆 研究wonderbra愛不釋手

撰文:鄺鈺瑩
出版:更新:
木村對呢項女性恩物非常之好奇。
連手毛都剃埋。

為宣傳主演嘅新戲《假面酒店》,木村拓哉近期頻頻以不同面貌現身綜藝節目,喺TBS電視台最新一集《人類觀察Monitoring》中,佢就扮成女人去同老牌藝人笹野高史寫書法。為咗扮女人,木村都好用心,不過當佢喺衣帽間見到大量女裝衣服時,最吸引佢嘅目光係wonderbra,拎上手之後更大讚現今科技不得了,又將wonderbra對摺,笑其形狀似炸彈。

變身完成,都幾靚。

變裝後,木村以工作人員身份去到同老牌藝人笹野高史寫大字,期間木村又斟茶又遞咖啡,對方都認唔出,直到笹野高史筆大字,近距離才認出木村,即時笑到收唔到聲。之後木村再補妝換衫,以女粉絲身份參與錄影,節目嘉賓小泉孝太郎、DAIGO、速水直道完全唔發現,直到木村走到台上拎笹野高史嘅墨寶時,先發現呢位女子嘅真身,為之譁然。唔少網民都大讚木村扮女人雖然唔可以話係好靚,就係毫無違和感,並指美魔女木村,完勝老婆工藤靜香。

第一次近距離接觸笹野高史時,對方都發現係木村。
喺錄影休息期間,木村太攰所以要腿張開輕鬆一下。