【新春開運王】黃致豪信風水 自稱5行屬土：轉咗架車顏色
撰文：葉詩
出版：更新：
黃致豪今日（22日）出席無綫電視賀年節目《新春開運王》拍攝，透露自己也有跟各堪輿學家偷師，希望新一年可以鴻運當頭：「我哋cut機嘅時候，我都會去搵返師傅問返點樣豬年行大運，通常節目嘅時候都會講返啲大路嘢，跟返自己嘅時辰八字就可以講返我自己。」
黃致豪拍攝無綫電視賀年節目《新春開運王》，並從中學到不少風水小貼士。（葉志明攝）
在參與節目拍攝後，黃致豪發現原來身邊大小事都與風水有關係：「有啲資訊原來我都冇太留意到嘅，例如買車或者揀車嘅顏色都要注意，所以我都轉咗架車嘅顏色；另外就係一啲屋企嘅擺設啦，桃花或者蘭花要點樣擺啊，之前純粹係覺得呢個位靚就咁擺喺到，但而家會留意擺咩方向會旺啲乜嘢。」
黃致豪說自己五行屬土，所以自己買衣服的時候都會選擇屬火的紅色或者屬木的綠色。（葉志明攝）
黃致豪又講到新年想享天倫之樂，無奈新年都要工作：「其實都想陪下屋企人，不過節目就拍到年初五，不過喺小朋友開學之前，如果去到嘅話都想把握時間去個旅行。」
+1