【開心速遞】金城安終於唔再做廢青? 加入威龍保安部添亂

撰文:鄺鈺瑩
出版:更新:
由衛志豪上載嘅片段所見,安仔似乎將會加入威龍做保安。

周嘉洛喺《愛‧回家之開心速遞》飾演嘅金城安除咗廢之外,破壞力亦十分驚人,苦主先後有譚道德 (陳榮峻飾) 以及朱展 (陳嘉輝飾) 朱天梯 (梁証嘉飾) 同埋送水輝 (許家傑飾) 。而相信苦主大聯盟成立後,將會有更多受害者加入。

應該好快又會有苦主出現。

而身為廢青的典範嘅安仔,近日疑似加入威龍集團做保安,喺衛志豪上載嘅ig片段中,只見除有威龍:鐵面陳(王致狄)、王朝(莫家淦)、馬漢之外,仲有焦浩飾演嘅阿壯以及安仔,並寫上「保安部越來越人強馬壯」。廢青安仔似乎搵到份好工,之不過,對眾人來說到底係好事定壞事呢?相信絕對係後者居多,求證於周嘉洛時,佢就話暫時未可以透露住,但就暗示將會令保安部翻天覆地。