鄧洢玲做完按摩店老闆再做導演：下個月去日本拍旅遊節目
撰文：吳子生
出版：更新：
鄧洢玲（阿旦）今晚（22/3）現身中環舉行的週年晚會活動。阿旦由藝人搖身一變做按摩店老闆，創業過程一啲都唔容易，可以話嘗過苦，方知道甜，雖然阿旦貴為老闆娘，按摩店每樣事都會親力親為做，難怪公司業績穩步上揚，還開拓新業務，務求多元化發展：「因為按摩店開業都兩年，覺得係時候搞香薰產品，等啲觀客嚟度按摩完之後，可以提供呢啲產品畀顧客，因為自己對香薰品質要求高，咁所以好嘅香薰我先會做。」
阿旦希望儲夠銀彈，再過多3年後購買物業用作投資。（吳子生攝）
早前阿旦不但自資拍攝旅遊特輯，更化身成導演及演員於一身，率領自己的攝製團隊遠赴日本拍攝：「其實呢樣嘢我好想做好耐，今次去日本帶大家去食去玩，自己本身好鍾意睇足球比賽，雖然自己唔識踢波，但亦會係呢個特輯入面，親身帶大家一齊入球場睇日本著名J. League足球比賽，一同感受現場氣氛嘅狂熱，仲會帶大家捐窿捐罅搵美食，嚟近下個月香港就會有得睇啦，大家密切留意啦。」
按摩店業績上揚，阿旦希望可以再開分店。（吳子生攝）