何嘉莉細女Raina滿月 網友驚嘆一個月修身成功腹部平坦

撰文:洪曉璇
出版:更新:

呢兩年一大堆女星排住隊生星B,網友都驚嘆到底真係同遮唔同柄,定係佢哋基因異於常人,陀B時肥B唔肥媽,生完之後又可以極速修身。Lillian何嘉莉上個月剛誕下第3胎,囡囡Raina話咁快滿月,呢日Lillian上載抱住囡囡嘅相,網友驚覺生產後短短一個月,佢嘅腹部已經幾乎完全平坦,一啲都無生育過嘅痕跡,令人嘖嘖稱奇。

Lillian囡囡Raina上個月出世,第三次做媽媽成為五口之家。(何嘉莉IG)
抱住剛滿月嘅囡囡,Lillian一臉幸福,但大家嘅焦點都去晒佢平坦嘅小腹。(何嘉莉IG)

Lillian三胎都係剖腹生產,坐月期間飲食都以清淡為主,而且有傷口未埋口嘅情況下,亦唔可以太早開始運動修身。但眼見Lillian抱住Raina呢張相,著返產前嘅運動bra top及瑜珈褲,生產後短短一個月已經幾乎同產前一樣咁fit﹗如果唔係佢陀B時有SHOW出孕肚,真係以為佢個肚係特技化妝。

Lillian將臨盆前到最近產後,著上同一套運動衫嘅相整成拼圖,令人相當驚訝。(何嘉莉IG)

睇返上一胎Lillian都一樣Fit爆,剛坐完月就亮相公開活動。而呢一胎產後第7日見到佢只有少少肚,不過睇落只係同平常人嘅肚腩仔差唔多,去到第15日佢都有拍片同大家分享產後情況,Lillian話:「都無咗個肚咁滯啦,不過腹部肌肉同皮膚鬆弛咗好多,不過自己已經好滿意。更多就要靠之後做運動,因為生完之後有肌肉分離,都係要等坐完月先理,要傷口好返先因為仲會痛。」

左圖為產後7日,右圖為產後14日,Lillian所謂嘅未修身,應該比普通人都要來得瘦。(何嘉莉IG)
上一胎滿月後Lillian出席公開活動,雖然佢聲稱自己仲有雙下巴,但睇落已經完全修身。(何嘉莉IG)
+6