21歲抖音女神鍾婷上載素顏照　比化妝更靚震驚網友

「抖音」令唔少素人變為網紅，之不過，有網紅就曾經因為直播時唔記得開美肌，令其真面目全面曝光，接連再被爆出種種黑歷史，令有關方面以「影響未成年人價值觀」為由，封鎖其帳號。而去年被封為抖音女神嘅鍾婷，原來之前亦曾被指整容，但佢就未有因而動怒，更上載自己嘅素顏照以示清白，唔少網民睇完之後都認為鍾婷只係膚色略為偏黃，並一致認為佢係天然美女，仲瘋狂留言表示要娶鍾婷。

現年21歲嘅鍾婷，本身係抖音達人大頭嘅員工，由於頻頻出現喺大頭嘅片段當中，並經常被整蠱，令網民開始留意到佢，去年加入抖音後，短時間極速吸粉200多萬，同時獲得點讚3000多萬。