唐文龍大嘆內地陰陽合同影響深遠 新稅制之下令演員無工開

撰文:張嘉敏
出版:更新:

近年不少香港藝人都喜歡北上搵食,在內地發展,拍劇拍戲演出綜藝節目賺人仔,酬勞遠比香港為高,外界都認為會好搵過香港好多。不過,曾被網民激讚有「港版水行俠」之稱,現年49歲的唐文龍 (Michael) 就大爆事實並非大家所想的那樣,其實香港演員在大陸工作都相當辛酸。而去年爆出的陰陽合問題以及新的稅制,都對內地演藝行業影響深遠,更令大批演員無工開。

Michael近年多喺大陸發展。(微博圖片)

Michael大吐苦水說:「目前我喺大陸方面嘅工作已經停晒,呢段時間都有好多人問價同度期,我要等到5月尾先開工。大陸今年嘅演藝行業可以話係死咗6成半至7成,係好難過既一年,大家最緊要撐住同頂住,香港人要團結啲。」他表示因為內地的新稅制之下,令到好多公司都執笠了,大規模縮至細規模,中小型的多數結業,製作成本大幅降低,基本上已很少公司會開劇和開戲,現在多數偏向網上的製作。Michael續說:「加上又要等中央政府宣布有咩唔可以拍,有咩唔可以播,好多限制,如果拍拍下先知原來唔播得,真係企咗喺度。所以大家咪就企晒喺度,唔敢拍嘢,結果咪無工開。」

Micheal操到自己好Fit,時刻保持最佳狀態。(微博圖片)

另外,還有內地有不同地方演員的比例限額制度,也減低了香港演員的演出機會。Michael說:「呢個限額一直都存在,近年內地演藝界百花齊放,發展蓬勃,佢哋做返自己內地市場已經好夠做,香港同台灣演員基本上都唔會威脅到內地演員,甚至不被當係咩一回事。不過香港演員通常都聽教聽話唔搞事,出名好使好用,平靚正,薪酬同大陸演員有好大距離。有好多唔等錢使嘅演員都唔憂拍,見薪酬比以前少咗就寧願唔拍。依家大家都好慬慎,但係我比較重視自己既前途同錢銀,唯有盡量喺合理情況下做得幾多得幾多。」他又透露稍後會開拍兩套香港電影,分別是與謝霆鋒與甄子丹合作的《怒火》,以及與吳鎮宇和任達華合作的電影。

一齊睇下Michael究竟keep得有幾fit,仲有佢嘅其他靚相。

+24