力邀金馬影帝吳鎮宇參演音樂劇 王菀之：呢個係我嘅夢想
撰文：吳子生
出版：更新：
百老匯愛情音樂喜劇《First Date》今日（18/5）於荃灣舉行記者會，王菀之為了今次的音樂劇首次身兼多職，由統籌至選角方面，樣樣都親力親為，更邀請到金馬影帝吳鎮宇演出音樂劇，原來都是為了完夢：「其實我想同鎮宇哥合作好耐，一路都唔夠膽開口問，直至有一天自己諗過，有啲嘢你唔試下去問，自己嘅夢想又點會成真呢，唔知點解個日，特別好勇敢打俾個朋友，將我嘅心意轉達俾鎮宇哥知，我好想同佢做舞台劇，於是就搵到鎮宇哥啦。」
王菀之與吳鎮宇兩人首次合作演出音樂劇。（葉志明攝）
吳鎮宇表示：「起初我仲好有型咁同菀之講無打算做舞台劇，除非做Musical啦，諗住大家睇過《難兄難弟》應該會知難而退啦，點知第二個電話就話有兩個劇本俾我揀，其中一個係《First Date》，人生就係好得意同好奇妙，一係就抗拒，一係接受，咁所以自己講完嘅嘢，呢張支票就要對現，但呢件對自己來講都好大得益，學識更加多Musical嘅嘢。」
這次音樂劇由策劃至選角，都是王菀之一手包辦。（葉志明攝）
眾音樂劇演員，今日出席《First Date》記者會，現場氣氛熱鬧。（葉志明攝）