鄧洢玲沙灘玩瑜伽賀35歲牛一 唔心急搵男友:隨遇而安啦

撰文:鄺鈺瑩
出版:更新:
阿旦離港前夕同幾位好友去到沙灘慶祝生日。(IG圖片)

6月未到氣溫已經高達30度,鄧洢玲(阿旦)日前同好友楊柳青及李靜蓮率先進行下水禮,並在IG分享了今年沙灘第一擊照片,有別於一般晒腿晒胸嘅照片,只見阿旦同朋友齊齊喺沙灘上以瑜伽招式downward-facing dog疊出「人肉金字塔」,雖然呢個力的表現看似十分吃力,但阿旦接受訪問時就話30秒就搞掂:「本身係做平板支撐先,後來覺得太簡單,所以咪試下downward-facing dog,咁我係三個女仔中最矮又最輕,所以做個頂囉。」阿旦笑言去沙灘影水著靚相實在悶,仲叫大家可以學下佢咁學定幾招瑜伽招式呃like。

阿旦話呢個「人肉金字塔」甫士其實唔難,不過佢要做「封頂」時都要朋友扶一扶。(IG圖片)

其實去沙灘晒太陽都係其次,最重要係一班朋友想同阿旦慶祝35歲生日,問到今年有咩生日願望,阿旦就表示最緊要係身體健康,並且可以做自己喜歡做的事情。「想可以好好享受生活,同埋錫我嘅朋友們都可以開開心心。」感情方面,阿旦表示現階段抱著隨遇隨遇而安的心態,並不急於要尋找對象。「相信要遇到的一定會遇到。」

平板支撐都唔難,重點係要有有一身好輕功。(IG圖片)
+1