因蕭正楠惹上「怪癖」喜歡行街市 曹永廉 ：可以減壓又有人情味
撰文：吳子生
出版：更新：
曹永廉（阿廉）昨晚（11/6）以代言人身份出席在尖沙咀舉行的著名廚具品牌活動。阿廉透露4年前經濟拮据的時候，幸得這個品牌給予合作機會，減輕家庭經濟負擔，他感恩表示：「4年幾前主要工作都係拍劇，雖然係夠生活，但又唔會令到自己會安心，因為小朋友年紀太細、咁所以我成日都會有擔心，咁所以佢哋突然間俾個代言人我做，對我嚟講係一道署光，咁所以一路都放係心裡面，好感激佢哋。」
曹永廉教好兄弟蕭正楠學做住家男人，學買餸煮飯。（葉兆康攝）
此外，曹永廉透露近日經常帶住好兄弟蕭正楠遊街市學做住家男人：「佢結咗婚後好多時都會喺屋企煮飯，其實佢比較好少去街市，而佢又住我屋企附近，咁所以帶咗佢去街市認識一下，邊一檔買嘅嘢最好，不過我自己真係好鐘意去街市，因為可以同街市啲姐姐傾偈，對我嚟講可以減壓，從中又可以搵到一份有人情味。」
曹永廉連續多年獲著名廚具做代言人，他表示感激。（葉兆康攝）