有「越南昆凌」之稱嘅女演員兼模特兒鄧玉貞，早前因以一襲與情趣內衣無分別嘅晚裝現身康城而引起討論。而呢位同樣都係來至越南嘅Võ Châu Thư（武珠書）近日亦備受網友關注。

21歲嘅Võ Châu Thư出生於胡志明市，擁有渾圓大眼、精緻挺鼻，加上皮膚白皙令佢帶有幾分混血感，就讀於越南蓮花大學嘅佢，不時都會喺社交平台上載自己嘅照片，只見Võ Châu Thư無論係韓服、和服、抑或旗袍造型都予人心動嘅感覺，引得網友紛紛表示「我要去越南深造了」、「來去越南找老婆」。同大部分少女一樣，Võ Châu Thư嘅IG除有大量個人靚相之外，只見佢IG Story不時都會出現內地小鮮肉羅雲熙嘅蹤影，無論係廣告定劇集，Võ Châu Thư都完全唔放過。