陳嘉桓性感晚裝行騷艷壓全場 ：覺得自己突然好青春
撰文：吳子生
出版：更新：
陳嘉桓（Rose )昨晚（9/8）身穿性感華麗晚裝長裙出席第27屆「海外學生仁濟夜2019」慈善餐舞會，為「緊急援助基金」籌募經費。Rose表示：「稍後我會換上另一套晚裝行騷，亦到知道今晚呢個騷會有好多海外留學生返嚟放暑期，咁所以都好似放緊暑期咁，頭先同佢哋採排嘅時候，覺得自己突然好青春。」
Rose昨晚穿上華麗性感晚裝艷壓全場，盡顯女性時尚品味。（葉志明攝）
提到最近又將一頭長秀髮剪短，Rose解釋話：「因為啲頭髮好厚，自己又好怕熱，到我去瘋狂做運動嘅之後，去沖完涼洗完頭後，啲頭髮可以好快乾，然後可以即刻去食飯或者做其他嘢，諗返起之前我駁長髮個段日子，做完運動成個頭真係濕晒，好似沖完涼咁，所以越剪越短，就越舒服啲。」
Rose任何角度一樣性感動人。（葉志明攝）
+4