落選港姐楊慧敏誓加入娛樂圈 馮盈盈讓路：我同佢冇得鬥
撰文：吳子生
出版：更新：
馮盈盈昨晚（13/8）現身將軍澳電視出席無綫節目《娛樂大家》進行拍攝錄影工作。提到學姐楊慧敏（Mina)未能就晉級港姐最後十強而被淘汰出局，作為學妹的盈盈又有何評價：「自己都有留意賽果，而我認識佢本人係一個好有鬥心嘅人，相信佢唔會因為遇到少少嘅挫折而放棄，都有聽過佢講好有心喺呢行發展，其實都唔使太擔心佢嘅，佢會搵到佢自己嘅路。」
盈盈表示不擔心楊慧敏加入娛圈成一大威脅。（陳志嵐攝）
（怕唔怕佢加入娛圈威脅到你？）盈盈直言：「佢有佢嘅風格，Mina佢走嘅路線係日系可愛調美風，係佢嘅Signature，其實我都扮唔到，唔係其他人都可以模仿得到，咁所以佢有自己嘅獨特路線，就唔會話同我有咩競爭嘅，其實我同佢直頭冇得鬥，我一向對佢好尊敬，話晒佢係我讀書時嘅師姐嚟。」
盈盈大讚Mina擁有美貌與甜美笑容。（陳志嵐攝）