周杰倫日本原宿1.7億豪宅放盤？　3千呎露台兼有超豪裝修

周杰倫吸金能力一流，花錢亦絕不手弱，婚後斥資逾1.5億港元買入位於台北大安區嘅豪宅「和平大苑」作為愛巢，一家四口至今依然居於上址。日前微博流出一張朋友圈嘅截圖，當中提到「幫周杰倫出售一套房子，值格不菲，實力來問，購房可直接與周董見面簽約」。
 

有指呢張截圖係出至一位日本地產中介，圖文並茂連Floor Plan都有埋。之不過，呢間兩層豪宅係位於東京原宿，實用面積約近7,718呎，單係露台都係兩個，一個800呎、一個3000呎，莫講話打籃球，踢波都無問題，雖然呢位地產中介未有提及售價，但由日本地產網站所見，係26億8000萬日圓（約1.98億港元）！話就話可直接與周董見面簽約，但近年內地嘅中介為求放盤，無所不用其技，就好似早前有內地中介指柳岩喺衡陽連掃十個單位，結果馬上被當時人出面否認。而就係呢個放盤截圖出現無幾耐，周杰倫就係IG STORY發聲明表示：騙子，要不要我把你抓出來打一頓。