【多圖】李璨琛為搏囡囡Lucy一笑豁出去 紋身加Kitty裝束勁爆笑
撰文:洪曉璇
出版:更新:
再不羈嘅男人,當遇到命中注定嘅女仔,都有定落嚟嘅一日,講緊嘅唔係老婆而係囡囡呀﹗李璨琛一向俾人印象係潮人、壞男孩,拍戲亦不時飾演古惑仔之類嘅角色。婚後形象嚟個180度大改變,特別係囡囡元元出世後,成為好爸爸代表﹗
李璨琛囡囡Lucy(李元元),面圓圓相當可愛,自出世後已經被受網友追捧,有人話佢面型似足蠟筆小新,又有人話佢係翻版布歐,但元元至愛嘅應該係HELLO KITTY。為咗搏得囡囡呢個前世情人嘅歡心,李璨琛決定豁出去啦﹗見到李璨琛戴住一大抽膠珠頸鍊,亮點當然係KITTY鍊咀啦﹗頭上仲要戴住可愛嘅幻彩大蝴蝶髮飾,同佢全身紋身真係有點格格不入。
唔襯唔緊要,最緊要搏得囡囡歡心,不過Lucy個樣一臉尷尬,似乎就唔多受落啦:「咦爸爸你快D除咗佢個Hello Kitty鏈佢啦,我有好多friend喺度㗎 #嘔心 #嫌棄 #爸爸你唔好咁啦 #hellokitty父女裝 #仲唔係愛」,網友笑言「果然幾man嘅男人生咗女都會變」,「紋身加kitty令Lucy開始懷疑人生」,相當爆笑。
點擊下圖睇更多Lucy可愛日常照:
+4