彭羚(Cass) 自從1998年嫁給林海峰後即封咪退隱，專心相夫教女。直到近年佢因迷上Gyrotonic運動而開設ig帳户與網民分享心得，而頻頻現真身。而林海峰近日喺紅館舉行棟篤笑，彭羚亦都有撐場，仲分別與幾位圈中好友合照，當中包括黃偉文同DJ雲妮(Vani)。

Vani在IG分別上載與彭羚嘅新舊合照，並表示：「見到大家反應咁熱烈話我哋兩個keep 得好好，本來想話我呢種面圓眼圓包包臉比較襟老,但係阿Cass一直瓜子口面又好似唔關事⋯本來想話因為我未生過仔比較襟老但係林太生咗兩件大女仲要就快二十歲又好似唔係好關事。我終於唸到原因：只要响903做或者嫁俾响903做嘢嘅人都會Keep 得好好！」其實無論係同黃偉文定DJ雲妮嘅合照，只見現年50歲嘅彭羚保養得非常之好，獲不網民大讚之餘，亦有留言問：「請推介防腐劑」