李靜儀日本旅行被狂人跟蹤 一個凌厲眼神擊退對方：跟到我發憫憎
撰文：吳子生
出版：更新：
李靜儀（Heidi)和趙慧珊（Aka)二人昨晚（18/10）盛裝出席在山頂舉行的時尚雜誌創刊派對夜。Heidi透露早前放假去日本旅行有艷遇：「喺日本唔知點解冇年紀大啲嘅男仔同我講嘢，反而多咗年紀細過我嘅男仔撩我傾偈，試過有一個男仔一直咁跟住我，我覺得佢好唔禮貌，跟到我發憫憎，然後我就用一個凌厲嘅眼神表情，警告佢唔好再跟住我，之後佢就衝走咗，冇再跟住我。」
Aka和Heidi今晚盛裝出席雜誌創刊派對。（許朝暉攝）
Aka透露剛由韓國深造舞技回港，大讚韓國跳舞文化超專業：「其實跟佢哋啲跳舞導師學跳舞，真係好大壓力，第一日佢哋就話我個妝唔係咁化，教跳舞佢哋又教得好快，每一日跳完之後成個人都好攰，之後我返到酒店，我都仲要起身練跳到凌晨，如果我唔咁做，知道自己一定跟唔到，佢哋個邊嘅訓練真係同香港好唔同，佢哋連跳緊舞個妝都有要求。」