騷六嚿腹肌擺脫花瓶形象 簡淑兒:有人話男仔唔鍾意,咁就好喇!

撰文:賴家杰
出版:更新:

簡淑兒(Jessica)今天(10日)出席TVB《萬千星輝賀台慶》的綵`排活動。今年她負責吹長笛,她說:「初中時侯吹過幾年,仲係校隊,但之後就冇練過。隔咗十幾年再吹,其實好大壓力。」

Jessica很大壓力,因為她說很久沒有接觸長笛。(梁碧玲攝)

近日她在社交網站發佈一張照片,照片中的她Show了六塊腹肌,手臀更顯出她很大隻,引來一眾網友討論,也有人希望她吃胖一點,直言她這樣不好看。Jessica表示有回覆網友的留言:「其實做GYM原因我係因為早前工作上有啲清閒,屋企人又唔太舒服,令到自己心情唔好,然後做運動真係會幫到自己心情。咁我都畀咗目標自己操咗六塊腹肌,但有人話男仔唔鍾意,咁就好啦,反正我依家冇男朋友好自由。」

Jessica笑言現在沒有男生追求,仲求介紹。(梁碧玲攝)

其實Jessica練到咁Fit是希望能對工作上有幫助,「其實我成日都唔想畀人覺得我弱質纖纖嘅感覺,我私底下都好男仔頭。作為一個藝人唔可以畀人定死一個形象,希望有多啲機會。」

成班藝員同事一齊演奏!(梁碧玲攝)