張致恆又做老竇？　老婆雯雯疑陀第二胎：仲有幾個月堅持埋佢

張致恒（Steven）今年七月宣布與圈外女友雯雯育有一子張天寶，更為兒子舉行百日宴，再到九月正式簽字拉埋天窗，名副其實雙喜臨門！不過，期間卻爆出他一腳踏多船，除了引發一波波「Unfriend潮」，更令其幕前工作進入冰河時期，有指他為了養妻活兒，被迫到四星級酒店炒散做廚房散工幫補家計。

點擊下圖觀看張致恆一家有幾溫馨：

想不到短短時間，事情又有進一步發展，雯雯昨晚（18/11）深夜更在社交平台Instagram貼出一張老公抱着兒子照片，並寫道：「已經幾日食唔到嘢……咩都冇力做唔到，辛苦你照顧個仔仲要照顧我，辛苦你要將我食完一兩啖嘅野食埋佢，辛苦你要一日煮咁多餐比我食，辛苦你要遷就我嘅脾氣同無理取鬧。仲有幾個月……大家一齊努力堅持埋佢！」

而張致恆亦非常識做，留言安慰：「因為你我真係要好好減肥先得，如果唔係我抱唔到兩個啊，我愛你！」令網友立即聯想到雯雯再度有喜，並留言講恭喜。有報道便指雯雯的第二胎仍然未夠三個月，所以暫時什麼都未能透露。