楊柳青（Wiyona）今晚（28/11）現身將軍澳電視城出席《歡樂滿東華2019》項目排練活動。Wiyona透露當晚會為《東華》籌款表演項目「單車疊羅漢」，直言練到周身瘀傷：「起初收到通知，以為叫我打功夫，但今次又唔係喎，原來係表演踩單車，佢哋仲畀咗啲影片我睇，以為好容易，但到練嘅時候，原來難度好高，撞到隻腳瘀晒，所以觀眾透過熒幕見到嘅表演，真係台上一分鐘，台下十年功，但我知我哋冇可能用十年去練，咁所以我哋要呢幾日去苦練。」