【萬千星輝2019】疑似無綫女員工爆料 陳山聰將成雙料視帝？
撰文：鄺鈺瑩
出版：更新：
《金宵大廈》有口碑有收視，相信係《萬千星輝頒獎典禮》上一定有獎。
相信大家對「商台女員工」都非常熟識，因為每年嘅叱咤頒獎禮前夕，呢位女員工都會率先神預測得獎名單。或者係因為今年叱咤頒獎禮前舉辦得太低調，導致女員工未有太多發揮空間，有網民喺討論區上表示收到來自大台女員工嘅內部消息，今年嘅「我最喜愛男角色」以及「最佳男主角」將會由《金宵大廈》嘅陳山聰獨得，該網民更解釋馬國明並唔會有任何獎項，事關佢向來唔多積極爭取，加上《白色強人》的外間反應比《金》弱……
來看大台員工嘅推測。
屬真屬假暫時要等到本月12日晚上先知道，不過身為《金宵大廈》男主角嘅陳山聰接受《香港01》訪問時，對於「女員工」嘅內部消息就得啖笑：「呢個消息都好山埃下，哈哈哈！我只希望《今》可以攞到最住劇集，感謝支持！」問到睇到邊個做視帝時，陳山聰就話：「馬明同埋我兄弟Ben(袁偉豪)都好大機會。」
陳山聽對內部消息得啖笑。(資料圖片)
+2