【武漢肺炎】《東張西望》訪醫生拆解DIY布口罩成效：一日用一個

新型冠狀病毒肺炎疫情持續肆虐，幾乎人人外出都必定會戴上口罩來保護自己，可是現在一罩難求之下，並非人人都可以有口罩用。有市民為了慳住用口罩，就會DIY口罩，其中一種就是用布製成的口罩套在一次性的外科口罩外面，務求可以延長一次性外科口罩的壽命，用久一些。無綫節目《東張西望》昨晚播出的一集，主持林穎怡就訪問了醫生的專業意見，問問醫生到底這種DIY布口罩的防疲成效如何。

於節目中受訪的林永和醫生表示：「外面嗰層布可以阻擋到一啲飛沫，咁變咗令到外面嗰層會襟用少少，另外內面嗰層布亦可以令到個口罩無咁容易吸濕，咁都會令到佢襟少少。但係中間嗰層就幫唔到喇，中間嗰層係最重要嘅，係用嚟過濾啲病毒，咁其實戴得耐佢會有啲損耗，因為可能有啲病毒吸收咗，咁都會令到佢嗰個過濾能力減少嘅。所以呢啲布其實都係幫到啲，但係用一日已經夠晒㗎喇，一個口罩大約載四個鐘左右，佢過濾嗰層就應該會損耗咗，所以一日戴兩個口罩就差唔多，短缺之下，用咗布套喺外面，咁就一日用一個囉。」