【武漢肺炎】吳日言飯糰生意大受影響：有幾日錄得$0營業額
撰文：洪曉璇
出版：更新：
武漢肺炎肆虐下，各行各業生意都大受影響，開始出現裁員甚至倒閉潮。香港開電視《娛樂頭條E-news Headline》主播馬梓軒邀請一眾有經營副業的藝人接受訪問，談談在疫境下如何自強。藝人吳日言（Yan）去年12月開設第3間飯糰店，她坦言受疫情影響損失慘重：「試過有幾日錄得零營業額，得幾百蚊又試過，真係冇諗過影響咁大！」
吳日言去年開設第三間飯糰分店。（IG：@yan512）
雖然經營困難，但Yan依然保持樂觀心態，佢表示：「一門生意一開始就試晒最差嘅環境，咁可能到好景果陣先再攞番成果，咁反而更加開心！」近日Yan更與拍檔積極構思不同策略，希望盡量吸引更多人光顧：「因為食飯糰用手，而手又經常接觸細菌，所以店舖都增設咗洗手液畀客人使用，確保衛生！同時呢排好多人都留喺屋企唔出街，都會考慮送外賣呢個方法！」
吳日言接受訪問時，大呻有幾日錄得零蚊生意額。