香港寸金尺土，土地空間愈來愈矜貴，開電視節目《夠細奇則》專門介紹納米單位，其中一集更搵出一個169呎單位如何容納4人家庭，睇到觀眾嘖嘖稱奇。

J2台《安樂蝸》早前介紹咗個130呎嘅龍床盤，扣除廁所、廚房後，實用面積只得90幾呎，到底可以放到一張床定一個衣櫃？答案係both，而且仲要係一張雙人床、再加一張雙人沙發，而且仲可以養埋狗，真係不得了。不過其實整件事嘅巧妙之處係因為樓底夠高，所以設計師將雙人床升高，令到下層放到沙發之餘，仲可以有部大電視。

除咗雙人床之外，設計師亦喺開放式廚房旁加入一張隱藏餐檯。而在煮食爐下，則隱藏住洗衣機，絕對係麻雀雖小五臟俱全。