Hit爆「雞丁」上《口水多過浪花》　Do姐一番說話打動人心

近期Hit爆的中二YouTuber「雞丁」憑《生活》和《武漢肺炎》兩首自家製改編Rap歌一夜爆紅，日前他就受邀上到鄭裕玲（Do姐）節目《口水多過浪花》，並分享自己對於成名的心路歷程！

「大家好 我係雞丁 今日嚟到《口水多過浪花》（發現Do姐靚過陳法拉）喂 唔押韻喎！（咩呀？你個雞丁批評我？）」13歲的雞丁超淡定地與Do姐一齊Rap，相當搞笑。雞丁自我介紹時講道經營自己的YouTube頻道一年有多，所有拍攝和剪接都是自學得來。

當被Do姐為何會選擇將陳法拉填入歌曲時，他笑稱：「我之前係上網見到佢。（之前有冇睇過佢啲戲？）都有少少佢係做戲，我就覺得佢好靚女。（有邊啲係唔靚女呀？）……（你鍾意呢個Type?）可以咁講。」最後，Do姐又提醒雞丁：「你做你鍾意做嘅嘢，一旦你唔鍾意就唔好做啦。我哋唔期待你下一首作品，有就有，冇就無所謂，最緊要開心。」這一番說話，相當暖心！